Əməkdar artist, bəstəkar-müğənni Elza Seyidcahan hər zaman qeyri-adi konsertlərlə təəccübləndirə bilib. Müğənni ötən il qonşularına konsert verəcəyini əminliklə söyləmişdi. Lakin əldə etdiyimiz bilgiyə görə, Elza konserti gerçəkləşdirə bilmir. Yəni "Elzanın qonşuları" adlı konsert baş tutmayacaq. Açıqlamasında sənətçi bunun səbəblərindən danışdı:
"Bu konsertə böyük önəm verdiyim üçün tələsik iş görmək istəmirəm. Konsert maraqlı məqamlarla, səhnəciklərlə, sürprizlərlə zəngin olmalıdır. Bütün bunlara da vaxt lazımdır. Mən bütün qonşularımı, fərqi yoxdur, köhnə, ya təzə, hamıya böyük dəyər verdiyimdən maraqsız konsertlə vaxtlarını almaq istəmirəm. İnşallah, hər şey yaxşı olacaq. Əslində çox istərdim tez baş tutsun, amma son zamanlar bir neçə telelayihəyə dəvətlər aldım. Türkiyədə, Dağıstanda, Rusiyada konsertlər və telelayihələrdə iştirakım üzündən qonşularım üçün konsertimi reallaşdıra bilmirəm".
|
