Güney Azərbaycan türklərinə qarşı yasaqlar bitmir. GünAzTV-nin xəbərinə əsasən, Azərbaycanın Məlikkəndi (Mələkan) şəhərinin iş adamları və mağaza sahibləri iş yerlərinə türkcə ad qoyduqları üçün təzyiqlərə məruz qalıblar. İş adamları şəhər təhlükəsizlik idarəsinə çağırılıb və türkcə iş yeri adlarının dəyişdirilməsi ilə bağlı xəbərdarlıq ediliblər.
İş adamları bu qeyri-insani rəftara və ədalətsizliyə müqavimət göstərsələr də, təzyiqlərə davam gətirmək asan məsələ deyildir. Məcbur qalaraq dəyişdirilən adlara örnəklər: "Axarsu kafesi", "Qara dəniz yeməkxanası", "Ana tarlası", "Yağlı çörək", "Yaşa mağazası", "Dəniz yeməkxanası" və s.
|
