Avqustun 6-da Azərbaycan Premyer Liqasında 2011/12 mövsümünün ilk oyunudur. Qəbələdə "Qəbələ" - "Bakı" matçı ilə növbəti Azərbaycan çempionatı start götürür.
Çempionatda 12 komanda - "Neftçi", "Xəzər Lənkəran", "Qarabağ", AZAL, "İnter", "Bakı", "Qəbələ", "Kəpəz", "Turan", "Simurq", "Rəvan" və "Sumqayıt Şəhər" oynayır. Son iki komanda Premyer Liqamızın debütantıdır. "Rəvan" ötən mövsüm birinci divizionda ikinci olduğu üçün Premyer Liqada mübarizə aparacaq. I divizionun çempionu kimi güclülər dəstəsinə vəsiqə qazanan "Abşeron" isə Premyer Liqada oynamaqdan imtina etdiyindən onu Sumqayıt təmsilçisi əvəzləyib. Premyer Liqada çıxışını davam etdirməyi məqsədəuyğun saymayan Salyanın "Muğan" klubunun I divizionda oynayacağı ilə bağlı Peşəkar Futbol Liqasına (PFL) rəsmi müraciətinə də müsbət cavab verilib. PFL bu komandanın yerinə Zaqatalanın "Simurq" klubunun çıxış edəcəyinə icazə verib. Xatırladaq ki, bu əyalət komandası ötən mövsüm 11-ci yeri tutduğundan I diviziona düşməli idi.
İndiki 2011/12 mövsümünün püşkatması isə ötən həftə keçirilib. Tədbirdə Premyer Liqanı və kuboku keçirən Peşəkar Futbol Liqası (PFL) klub nümayəndələrinin iştirakı ilə ilk turda cütləri müəyyənləşdiriblər. Beləliklə, yeni çempionatın avqustun 6-7-də ilk turunda bu oyunlar keçiriləcək:
tur, 06 avqust (şənbə) "Xəzər Lənkəran" (Lənkəran) - "Sumqayıt Şəhər" (Sumqayıt)
"İnter" (Bakı) - "Turan" (Tovuz)
"Kəpəz" (Gəncə) - "Rəvan" (Bakı) 07 avqust (bazar)
"Qəbələ" (Qəbələ) - "Bakı" (Bakı)
"Simurq" (Zaqatala) - AZAL (Bakı)
"Neftçi" (Bakı) - "Qarabağ" (Ağdam) Sözsüz ki, yubiley - sayca 20-ci milli çempionatımızın ilk turunun mərkəzi oyunu Tofiq Bəhramov adına Respublika stadionunda olacaq. Bütün milli çempionatımızın iştirakçıları olan "Neftçi" ilə "Qarabağ" ardıcıl ikinci mövsümdür ilk turda mərkəzi arenada görüşürlər. Mövsümlərarası fasilədə heyətini xeyli gücləndirərək iddialarını artıran "Qəbələ" ilə "Bakı" arasında oyun da prinsipial olduğundan maraqla gözlənilir. Onu nəzərə alaq ki, bakılılar ötən mövsüm rəqibinin həm ilk "altılığ"a düşməsinə, həm də ölkə kubokunda yarımfinala yüksəlməsinə mane olub.
|
