İran Daxili İşlər Nazirliyinin (DİN) narkotiklərlə mübarizə bölməsi əməkdaşlarının Qərbi Azərbaycan vilayətində keçirdikləri əməliyyat zamanı narkotik qaçaqmalçılığı ilə məşğul olan şəbəkə ifşa olunub. APA-nın "Fars" xəbər agentliyinə istinadən verdiyi məlumata görə, İran DİN Narkotiklərlə Mübarizə İdarəsinin rəhbəri Kərim Əkbəri deyib ki, əməliyyat zamanı ümumilikdə 11 qaçaqmalçı - 9 kişi və 2 qadın - saxlanılıb. Onlardan 87 kiloqram narkotik ələ keçirilib. Şəbəkənin Əfqanıstan mənşəli narkotikləri İrandan qonşu ölkələr, o cümlədən Azərbaycan vasitəsilə, Rusiya və Qərb istiqamətinə daşıdıqları bildirilir.
|
