Keçmiş SSRİ əhalisinin böyük hissəsi öz əmanətlərini milli valyuta ilə saxlamağa üstünlük verir. Bu barədə nüfuzlu "Gallup" sorğu mərkəzinin apardığı rəy sorğularının nəticələrində əks olunub. Siyahıda birinci yeri Azərbaycan tutur. Ölkəmzin vətəndaşları öz milli puluna olan etibarına görə irəli çıxıb. Azərbaycanlıların 75 faizi əmanətlərin manatla saxlanmasına üstünlük verir. Ermənistanda isə əhalinin 63 faizi milli pula üstünlük verir. Üçüncü yerdə 56 faizlə Rusiya gəlir.
"Gallup"un nəticələrinə görə, belaruslar öz valyutalarına az etibar edir. Orada əhalinin cəmi 22 faizi əmanətlərini milli rublda saxlamağa üstünlük verir. Gürcülərdə lariyə münasibət yaxşı deyil, əhalinin cəmi 28 faizi öz milli puluna etibar edir.
Sorğu nəticəsində həmçinin bəlli olub ki, keçmiş SSRİ məkanında ABŞ dolları ən populyar pul vahidi olaraq etibarını saxlayır. Rəyi soruşulanlar avroya nisbətən üç dəfə artıq "yaşıl kağız"a etibar etdiklərini qeyd ediblər. "Gallup" sorğunu 3 min respondent arasında keçirib.
|
