Ukraynanın "İmage" nəşrində Azərbaycanla bağlı qərəzli məqalənin işıq üzü görməsi ilə əlaqədar Azərbaycanın Ukrayna səfirliyi bu ölkənin Xarici İşlər Nazirliyinə etiraz notası göndərib.
Bu haqda APA-ya Azərbaycan Xarici İşlər Nazirliyinin (XİN) mətbuat katibi Elxan Poluxov bildirib. Notada qeyd olunur ki, Ukrayna jurnalında çap edilmiş yazı Azərbayanın tarixinə və ərazi bütövlüyünə qarşı yönəlmiş böhtan xarakteri daşıyır, bu cür yazıların dərci yolverilməzdir.
Elxan Poluxovun sözlərinə görə, eyni zamanda Ukraynadakı Azərbaycan səfirliyinə bu məsələni araşdırmaq və Ukrayna tərəfi ilə müzakirə etmək tapşırılıb.
Sözügedən jurnalın xüsusi buraxılışında Azərbaycan əleyhinə həqiqəti əks etdirməyən materiallar dərc edilib.
|
