Milli Məclisin yay tətilindəki ilk iclası iyunun 10-da olacaq. Gələn həftədəki iclasın gündəliyinə 24 məsələ daxil edilib. Bu barədə MM mətbuat xidmətinin rəhbəri Akif Təvvəkküloğlu məlumat verib. Gündəliyə daxil edilən məsələlərdə bir sıra qanun layihələrinə dəyişikliklər nəzərdə tutulur.
"Əmək pensiyaları haqqında" qanuna, Əmək Məcəlləsinə, "Ölkədən getmək və ölkəyə gəlmək, pasportlar haqqında" qanuna dəyişiklik müzakirə ediləcəkdir. Bundan əlavə, parlamentin növbədənkənar sessiyası çərçivəsində "Məhkəmə və hüquq mühafizəsi orqanları işçilərinin dövlət müdafiəsi haqqında" qanuna, Mülki Prosessual Məcəlləyə, "İcra məmurları haqqında" qanuna dəyişiklik də nəzərdə tutulur. "Vəkillər və vəkillik fəaliyyəti haqqında" qanuna, İnzibati Xətalar Məcəlləsinə, Cinayət Prosessual Məcəlləsinə dəyişikliklər də müzakirələrin planındadır.
|
