ATƏT-in Bakı Ofisi yaxın günlərdə sərbəst toplaşma azadlığının təmin edilməsi üçün Bakı Şəhər İcra Hakimiyyəti ilə hər hansı müzakirələr aparmır. Bu barədə qurumun Bakı Ofisinin mətbuat xidmətinin rəhbəri Rəşad Hüseynov AYNAya bildirib. "Hazırda bu məsələ ilə bağlı hər hansı təşəbbüs yoxdur" - deyə Hüseynov qeyd edib.
Müxalifət partiyalarının cəmləşdiyi İctimai Palata iyunun 19-da Bakıda mitinq keçirmək qərarı verib. İP-in bundan əvvəlki mitinq cəhdi uğursuz olub. BŞİH müxalifət partiyalarına onların təklif etdikləri yeri deyil, şəhərdən uzaq meydan təklif edib.
Nəticədə şəhərin mərkəzindəki mitinq aksiyasını polis dağıdıb. ATƏT-in Bakı Ofisi bir neçə dəfə aksiyalara yer ayrılması ilə bağlı danışıqlara cəhd etsə də, rəsmilər bundan imtina ediblər.
