Azərbaycan hakimiyyəti, göründüyü kimi, bundan sonra da Avropa Şurası Parlament Assambleyasının Azərbaycanda siyasi məhbuslar məruzəçisi Kriştof Ştrasseri ölkəyə buraxmaq niyyətində deyil. Prezident Aparatının hüquq-mühafizə orqanları ilə iş şöbəsinin müdiri Fuad Ələsgərov Peter Ştrasserin ölkəyə gəlişini lazımsız bilir. Bunu Ştrasserin Azərbaycana səfərinin mümkünlüyü ilə bağlı "Turan"ın sualına cavabda Ələsgərov deyib.
Ələsgərov qeyd edib ki, Avropa Şurası və digər təşkilatların siyasi məhbus anlayışının tərifi üçün universal meyarları yoxdur. "Ümumi meyarlar olmadıqdan sonra, o (Ştrasser), hansı meyarlar üzrə nəticələr çıxara bilər", - deyə şöbə müdiri sual edib.
"Siyasi məhbus" anlayışının meyarları bütün Avropa ölkələri üçün müəyyən olunmalıdır və bu məsələdə "ikili standartlar" və təzyiq yolverilməzdir, - deyə o bildirib.
2009-cu ilin martında AŞPA-nın hüquqi məsələlər və insan hüquqları Komitəsi Ştrasseri Azərbaycanda siyasi məhbuslar üzrə məruzəçi təyin edib. Bakı Ştrasseri məruzəçi qismində ölkəyə buraxmamaqla, faktiki olaraq onun işini əngəlləyib.
|
