İyunun 14-16-sı tarixlərində Türkiyənin Dənizli şəhərində türkdilli dövlətlərin gənc istedadlıları arasında "Türkcevizyon Muzik Festivalı - 2011" adlı televiziya müsabiqəsi keçiriləcək. Müsabiqənin əsas devizi türkdilli dövlətlərin müasir musiqisini populyarlaşdırmaqdır.
Müsabiqədə Azərbaycanı estrada ifaçısı Natavan Həbibi təmsil edəcək. Hər bir iştirakçı kimi, onun da payına iki mahnı ifası düşüb ki, bunlardan biri mütləq Türkiyə türkcəsində olmalıdır. İndi sənətçi ifa edəcəyi mahnını dəqiqləşdirir.
Müsabiqədə Albaniya, Bolqarıstan, Gürcüstan, Qazaxıstan, Şimali Kipr, Makedoniya, Özbəkistan, Türkmənistan və başqa dövlətlərin ifaçıları yarışacaqlar.
|
