Sonuncu dəfə ANS telekanalında yayımlanan "Toylar kralı" verilişindən mübahisə üstündə ayrılan şoumen-müğənni Kamran Həsənli yeni layihəsi ilə başqa kanalda çıxış edəcək. Bu kanal şoumenin vaxtilə çalışdığı "Srace"dir. Xatırladaq ki, hazırda bu kanalda "Qızıl çıraq" verilişinin aparıcısıdır. Lakin özünün şəxsi layihəsi ilə də görünməyi çoxdan planlaşdırır.
AYNA qəzetinin bilgisinə görə, yeni layihə "Kinokompaniya" adlanır. Adından göründüyü kimi, veriliş kino sahəsinə aiddir. Qeyd edək ki, sözügedən telelayihə dünya və Azərbaycan kinosundan bəhs edir. Yaxın günlərdə verilişin ilk buraxılışı efirə gedəcək.
|
