Başında aşkar edilən gepoksiya (su yığıntısı) diaqnozu ilə bir müddət əvvəl Dubayın özəl klinikalarının birində müalicə alan Rəqsanə yenidən eyni məqsədlə Dubaya yola düşəcək. Onun məlumatına görə, həkimin məsləhəti ilə müalicəsini davam etdirməlidir:
"Xəstəlikdən tam azad olmamışam. Keçirdiyim stress və aşkarlanan diaqnoz məni tamam üzüb, çəkim xeyli azalıb, özüm də simaca və ruhən çox yorğunam. Xəstəliyimlə bağlı danışılan söz-söhbətlər əhvalımı daha da korlamışdı. Çox şükür ki, insanlar mənim yalançı xəstəlik diaqnozu yaratmadığımı gördülər".
Aprelin 20-də yenidən Dubaya hazırlaşan Rəqsanə dedi ki, əgər başındakı su yığıntısı azalarsa, səfəri qısa çəkər, əks təqdirdə, bir ay orada qalmaq məcburiyyətindədir.
Səhhətindəki problemlə bağlı yaradıcılıq işlərində fasilələr yaranan sənətçi bunun uzun zaman davam etməyəcəyini bildirdi. Xatırladaq ki, bu günlərdə Rəqsanə yaxın dostuna məxsus olan avtomobildə qəza keçirib. Bu barədə danışmaq istəmədi. Onun ciddi xəsarət almadığı bildirilir. Lakin qəza zamanı daha bir neçə avtomobilin əzildiyi söylənir.
|
