Azərbaycan Dövlət Muğam Teatrının baletmeysteri, rəqqasə Fatimə Fətəliyeva yaxın aylarda Bakını tərk edərək Hindistana gedəcək. Bu barədə AYNAya Fatimə məlumat verib. Bildirib ki, onunla səfərdə rəqs müəllimi, səhnə dostu İlham Kərimli də iştirak edəcək. Rəqqas və rəqqasə üç ay Hindistanda yaşayacaqlar. Onlar hind rəqslərini mükəmməl şəkildə mənimsəmək istəyirlər.
"Hər ikimizin rəqs proqramında hind rəqslərinin xüsusi yeri var. Özümüzü bu sahədə peşəkar hesab edirik. Amma hindli rəqqaslarla müqayisədə bunu demək olmaz. Artıq hind rəqslərinin peşəkar bilicilərindən biri ilə əlaqə qurmuşuq ki, hər ikimizə bu sahədə daha mükəmməl oynamağı öyrətsin. Hazırda tamamlanmaq üzrə olan bir neçə yaradıcılıq işim var. Həmin vacib işlərimizi yoluna qoyub, yaxın aylarda səfəri reallaşdıracağıq" - deyə F.Fətəliyeva bildirdi.
|
