Energetika Agentliyi bəyan edib ki, neftin bir bareli üçün qiymətin 100 ABŞ dollarından yüksək olması dünya iqtisadiyyatının inkişafına əngəl yaradır. Dünyada işgüzar fəallığın artma faktını nəzərə alan Beynəlxalq Energetika Agentliyi proqnozlaşdırır ki, yanacağa olan tələbat illik 1,6 faiz (sutkada 89,4 milyon barrelə qədər) artacaq.
Agentlik ekspertləri hesab edirlər ki, əgər qiymətlər bahalaşmaqda davam edəcəksə, tələbat azalacaq. Yanacaq idxalçıları, ilk növbədə Avropa ölkələri və ABŞ iqtisadiyyatı bu təzyiqə tab gətirməyəcək. Təkcə mart ayında benzinin qiyməti 30, dizel yanacağının qiyməti isə 40 faiz bahalaşıb.
Avropa ölkələrində benzinin ortalama qiyməti bir litr üçün 1,538 avrodur. Qiymət Amerikada - 0,694 avro, Böyük Britaniyada - 1,581 avro təşkil edir. Rusiyada qiymətlər Amerika səviyyəsindədir. Litr üçün ortalama 63 avrosent. Səudiyyə Ərəbistanı kimi ixracatçılar hələlik benzinin qiymətini aşağı səviyyədə saxlayırlar.
Bunu Fransa Neft Məhsulları İstehsalçıları Assosiasiyasının rəhbəri Jan-Lui Şilyanski deyir. "Hətta tezliklə benzinin litrinin 2 avroya satıldığını görsək də, biz davam etməliyik. Neftin axtarışına və xam neft hasilatına daha çox sərmayə qoymaq lazımdır", - deyə o bildirib.
Qeyd edək ki, benzinin litrinin 2 avro olacağı proqnozu ilə Fransanın Total neft şirkətinin rəhbəri də razıdır. Onun fikrincə, "qara qızıl"ın qiymətinin gözlənilmədən yüksəlişi Yaxın Şərqdəki böhranla əlaqəlidir.
|
