Tezliklə "Şou Nömrə 1" adlı yeni telelayihə ekrana çıxır. Hüsniyyə Məhərrəmova və Azər Aslanın aparıcılığı ilə təqdim edilən telelayihənin rejissoru Ceyhun Kərimovdur. Layihə iştirakçıları artıq bəllidir. Onlar - Elza Seyidcahan, Murad Arif, Sevda Yəhyayeva, Könül Nağıyeva, Anar Ağakişiyev, Kamilə Babayeva, Səbinə Babayeva, Pərviz Əbubəkirov və Naina İbrahimovadır.
Xəbərdə deyilir ki, layihədə ulduzlarımız peşəkar rəqqaslarla rəqs edəcəklər. Hər həftə ən az xal toplayan cütlük şounu tərk edəcək. Cütlükləri isə peşəkar münsiflər qiymətləndirəcək. Hər həftə tamaşaçılar fərqli janrlarda maraqlı rəqslər izləyə biləcəklər.
Qeyd edək ki, layihənin baş xoreoqrafı Nailə Məmmədzadədir.
|
