Faiq Ağayev həyatındakı qara zolağı silib yeni yaradıcılıq həyatına başlayır. Bildirir ki, dəfələrlə tarixi bəlli olan və təşkilatçının səriştəsizliyi səbəbindən təxirə düşən konsert layihəsi bu il baş tutacaq. O deyir:
"Artıq konsertin repertuarı hazırlanır. Əsasən yeni mahnılar səslənəcək. Bunlardan 4-ü lentə yazılıb. 6-sı isə yaxın aylarda studiya həllini tapacaq".
Yaradıcılıq yeniliyi təkcə konsert hazırlığı ilə bitmir. Tezliklə Murad Arifin bəstəsi olan "Bal kimi" mahnısına çəkdirdiyi klipi təqdim edəcək. Xatırladır ki, əslində klip bu günlərdə çəkilməyib: "Bir neçə ayın klipi deyə bilərəm. Başıma gələn məlum hadisələr səbəbindən tamamlanmadı. Artıq onu üzə çıxarmağın vaxtı yetişdiyini deyə bilərəm".
