Ötən ay başında aşkarlandığı deyilən şiş diaqnozu ilə Türkiyəyə, oradan da Dubaya üz tutan Rəqsanə 1 ay ev şəraitində müalicə olunub. Xəstəliyinə don geyindirildiyini deyən sənətçi bəzi mediadan incik düşərək açıqlama verməkdən yayınırdı. AYNA qəzetinə bildirdiyinə görə, ötən gün ağır xəstəlikdən sonra ilk dəfə ictimaiyyət arasına çıxıb. Amma bu hələ tam sağaldığına dəlalət etmir.
"Müalicəmi hələ uzun zaman davam etdirəcəm. Amma evdə oturmaqla sağala bilməyəcəyimi anladım. Ötən gün tilsimi qırıb evdən çıxdım, bəzi vacib işlərimin həlli ilə məşğul oldum. Daha sonra "Olduğu kimi" verilişində çəkildim. Xəstəlikdən sonra bu, efir məkanında ilk çıxışım idi".
Sözünə davam edən Rəqsanə bildirdi ki, onun xəstəliyi ilə bağlı yanlış fikir yayanlara həqiqəti sübut edəcək.
|
