Nüşabə Ələsgərli telekanalların birindən seriala çəkilmək təklifini qəbul etməyib. Daha əvvəl də seriala çəkilən müğənni budəfəki təklifi qəbul etmədiyinin səbəbini belə izah edir:
"Mən əvvəl də bir dəfə seriala çəkilmişəm. Çox əziyyətli işdir, amma əziyyətli olduğu qədər də insana zövq verir. Belə düşünürəm ki, yəqin, oynadığım rol bəyənilib, növbəti dəfə belə bir fikrə gəliblər. Lakin işlərimin həddən çox olması mənə bu imkanı vermir. Çox vaxt müğənnilərin filmə və ya seriala çəkilməsini aktrisalar qəbul etmirlər, nəticədə müxtəlif söz-söhbətlər yaranır. Çalışdığım qədər qalmaqallardan uzaq qaçdığım və edilən təklifdən imtina etdiyim üçün ssenari müəllifinin, eləcə də rejissorun adını açıqlamaq istəmirəm. Sonra deyəcəklər ki, Nüşabə yenə də reklam ardınca qaçır".
Yeni mahnılar üzərində işlədiyini deyən Nüşabə xanım qeyd etdi ki, bəzi mahnılarını yeni aranjimanda səsləndirməyə hazırlaşır.
|
