Mətbuat Şurası mart ayında internet media qurumlarının Ümumrespublika Forumunu keçirməyi planlaşdırır. Bu barədə Məbuat Şurasının sədri Əflatun Amaşov AYNAya bildirib. Onun sözlərinə görə, Foruma bütün yeni media vasitələri dəvət ediləcək.

"Yeni media artıq Azərbaycanda təşəkkül tapır. Artıq biz bu sahədəki portallardan şikayətlər almağa başlamışıq. Odur ki, bütün bunların birgə müzakirəsinə ehtiyac yaranıb", - deyə Ə.Amaşov bildirib.

Mətbuat Şurası bununla bağlı Məsləhət Şurası yaradaraq internet portal rəhbərlərini bura toplamaq və qarşılıqlı əməkdaşlıq şəraitində işləmək istəyir.