Azərbaycanlı və fransız fiziklər əməkdaşlıq edəcəklər
|
Buna zəmin var
Şənbə, 22.01.2011
|
|
mətn ölçüsü |
|
|
|
Akademiyanın Fizika İnstitutu ilə Fransanın CNRS-IRDEP (Centre national de la recherche scientifique - Institute of Research and Develorment of Photovoltaic Energy) Elmi Araşdırmalar Mərkəzi arasında Memorandum imzalanıb. Bu barədə Fizika İnstitutunun mətbuat xidmətinin rəhbəri Yusif Alıyev bildirir. Bilgiyə görə, Memorandumu institutun direktor müavini Nazim Məmmədov və CNRS-IRDEP Elmi Araşdırmalar Mərkəzinin direktor müavini Yean-Fracois Guillemoles imzalayıb. Altı bənddən ibarət olan Memorandum qarşılıqlı elmi əlaqələrin qurulması və kadr hazırlığına imkan verəcək. Bu mərkəz dünyada Günəş elementlərinin tətbiqi və hazırlanması sahəsində yüksək potensiala malikdir. Fizika İnstitutunun alimlərinin nazik təbəqəli Günəş elementləri sahəsində tədqiqat aparmaq qabiliyyəti və elmi potensialı bu institutlar arasında birgə əməkdaşlığı zəruri edib. Memorandumun müddəalarında ikiqat və üçqat halkogenid birləşmələri əsaslı Günəş elementləri üçün nanostrukturlu pəncərə laylarının, Günəş elementlərinin müdafiəsi üçün almazabənzər örtüklərin hazırlanması və xarakteristikalarının müəyyən edilməsi öz əksini tapıb. Gələcəkdə Azərbaycanda yüksək effektli nazik təbəqəli Günəş batareyalarının yaradılması və istehsalı baxımından Memorandum önəm daşıyır.
|
|
|
|
|
|
|
