Uşu-sanda üzrə ikiqat dünya və Avropa çempionu, Azərbaycan uşu-sanda yığmasının keçmiş baş məşqçisi Canpolad Budaqovun barəsində axtarış elan edilib.
Nəsimi rayon Polis İdarəsinin məlumatına görə, C.Budaqov CM 221.1-ci (xuliqanlıq) maddəsi ilə təqsirli bilinir. O, ötən il xuliqanlıq əməli törətməkdə təqsirli bilinərək, barəsində cinayət işi başlanıb. Lakin C.Budaqov Azərbaycanda olmadığından onun barəsində məhkəmənin qərarı ilə axtarış elan edilib. İdmançının hazırda Rusiyada olduğu güman edilir.
Xatırladaq ki, C.Budaqov 2007-ci ildə narkotik vasitələrin qanunsuz hazırlanması və istifadəsində təqsirli bilinərək 2 il müddətinə azadlıqdan məhrum edilib. 2009-cu ildə həbsdən azad edilib.
|
