20 Yanvar şəhidlərini anma mərasimləri başlanır
|
Təhsil nazirinin əmrinə əsasən, bu mərasimlər on gün sürəcək
Şənbə, 08.01.2011
İlkin |
mətn ölçüsü |
|
|
|
Təhsil naziri Misir Mərdanov 20 Yanvar faciəsinin 21-ci ildönümünün qeyd edilməsi barədə əmr imzalayıb. Nazirliyin mətbuat xidmətindən bildiriblər ki, əmrə müvafiq olaraq, 20 Yanvar faciəsinin 21-ci ildönümünün keçirilməsi ilə əlaqədar Təhsil Nazirliyinin tədbirlər planı təsdiq edilib. Tədbirlər planına uyğun olaraq, bütün təhsil müəssisələrində 11-20 yanvar tarixlərində Azərbaycanın azadlığı uğrunda mübarizədə həlak olmuş şəhidlərin xatirəsinə həsr olunmuş geniş tədbirlər həyata keçiriləcək.
Yerli idarəetmə orqanlarının rəhbərləri görülmüş işlər barədə 26 yanvar 2011-ci il tarixinədək nazirliyə hesabat təqdim edəcəklər.
Xatırladaq ki, təhsil nazirinin bu əmri "Azərbaycan müəllimi" qəzetində dərc olunub və onun icrası barədə bütün təhsil müəssisələrinə göstəriş verilib. Əmrin icrasına nəzarət isə nazir müavini Elmar Qasımova həvalə edilib.
|
|
|
|
|
|
|
