2011-ci ildən dövlət məmurlarının fəaliyyəti rüblər üzrə qiymətləndiriləcək, qiymətlər isə Azərbaycan prezidenti yanında Dövlət Qulluğu Məsələləri Komissiyasının informasiya bazasında yerləşdiriləcək. Bu barədə çərşənbə axşamı "Ambassador" otelində Dövlət Komissiyası, QHT və KİV mənsublarının görüşündə bildirilib ("Turan").
Dövlət Komissiyasının kadr seçkisi şöbəsinin rəis müavini Rauf Məcidbəylinin sözlərinə görə, müasir Azərbaycanda bütün bacarıqlı və savadlı mütəxəssislər üçün karyera inkişafı imkanı var.
2010-cu ildə 18 min 405 ərizəçinin iştirakı ilə 9 müsabiqə keçirilib. Bu ərizəçilərdən 4164 nəfəri müsabiqələrdə iştirak edib. Onlardan min nəfəri dövlət müəssisələrində işlə təmin olunub.
|
