Qəbul planının hazırlanma prosesi gedir

Bu aktual məsələ barədə bu dəfə AMEA vitse-prezidenti Arif Həsənov danışıb. Keçən həftə bu məsələ barədə prezident Mahmud Kərimov mətbuata söz açmışdı. Arif Həsənov bildirib ki, yanvar ayının ikinci ongünlüyündən doktoranturaya qəbul planının təsdiqləncəyi gözlənilir (APA).

Vitse-prezidentin sözlərinə görə, qəbul planının nə qədər olacağı hələ müəyyən deyil. Planın həcmi qəbulun il ərzində neçə dəfə aparılacağından asılıdır. Arif Həsənov il ərzində ikinci bir qəbulun keçiriləcəyini istisna etmir. Amma bu hələ dəqiq deyil: "Buna hazırlaşmaq lazımdır. Gələn il qəbulun bir və ya iki dəfə aparılması ilk qəbulda sənəd verənlərin, müsabiqədən keçənlərin sayından, onların rəhbərlərinin təqdim etdiyi mövzulardan asılıdır. Bu məsələlərin hamısına kompleks şəkildə baxacağıq".

Arif Həsənov bildirib ki, ilk qəbulun gələn ilin fevral ayında elan ediləcəyi nəzərdə tutulur. İkinci qəbulun isə gələn ilin sentyabrında keçirilməsi mümkün ola bilər.