Xaricdə yaşayan soydaşlar birliyə çağırıldı
 |
Milli Məclisdən həmrəylik müraciəti
Cümə, 31.12.2010
F.Əliyeva |
mətn ölçüsü |
|
|
|
Parlamentin 2010-cu ildəki son iclasında 31 dekabr - Dünya Azərbaycanlılarının Həmrəylik Günü və Yeni il münasibətilə Azərbaycan xalqına müraciət qəbul olundu. Müraciəti Milli Məclisin sədr müavini Bahar Muradova oxudu.
Müraciətdə qeyd olunurdu ki, Dünya Azərbaycanlılarının Həmrəylik Günü soydaşlarımızın azərbaycançılıq ideyası əsasında birləşməsinin əsasını qoyub: "Bu gün xalqımızın söz, əqidə, əməl birliyinə nail olunması üçün Azərbaycan dövləti tərəfindən görülən işlərin miqyası ildən-ilə genişlənir. Dünyanın dörd bir yanına səpələnmiş on milyonlarla azərbaycanlı bu gün birlikdə olmaq həqiqətini daha dərindən dərk edir. Soydaşlarımız arasında bağlar möhkəmlənir, azərbaycanlılar milli hüquqların qorunması işində bir-birinə dayaq dururlar".
Müraciətdə Azərbaycanın böyük inkişaf yolu keçdiyi, Azərbaycanda insan hüquqları və azadlıqlarının etibarlı təmin olunduğu qeyd olunur və bu ilin noyabrında keçirilən parlament seçkilərinin Azərbaycanın demokratik inkişafında yeni mərhələnin başlanğıcı olduğu bildirilir.
Qeyd edilir ki, Dağlıq Qarabağ münaqişəsinin nizamlanmasında Azərbaycanın ərazi bütövlüyü prinsipinin əsas götürülməsi beynəlxalq təşkilatlar və xarici dövlətlər tərəfindən qəbul olunub. Müraciətdə xaricdə yaşayan azərbaycanlılar birliyə çağırılır: "Azərbaycanın dövlət rəhbərliyinin həyata keçirdiyi siyasət nəticəsində münaqişənin nizama salınmasına nail olacağıq. Bütün azərbaycanlılar səylərini birləşdirməlidir. Bu problemin həllini daha da yaxınlaşdıra bilərlər".
|
|
|
Oxşar xəbərlər:
"Fatimeyi-Zəhra" məscidinin sökülməməsi üçün müraciət edilib
"Evimizə getmək istəyirik"
Elçibəy ailəsi yardım təklifini qəbul etmir
Milli Məclis ABŞ-a etiraz bildirəcək
Milli Məclis Avropa Parlamentinə etiraz etdi
|
|
|
