Ağdam təmsilçisi mövsümün ikinci yarısına hazırlıq məqsədilə Antalyada 4 həftəlik təlim-məşq toplanışında 4 görüş keçirməyi planlaşdırır.
Yanvarın 22-də ilk oyuna çıxacaq "Qarabağ" Qazaxıstanın Superliqa təmsilçisi "Ordabas"la görüşəcək. Bundan 4 gün sonra Ukrayna Premyer-Liqa təmsilçisi "İliçevets"lə oyun olacaq. "Qarabağ" futbolçuları yanvarın 30-da Rumıniya yüksək liqasında 4-cü yerdə gedən "Qaz Metan Medias"la qarşılaşacaq. Fevralın 4-nə nəzərdə tutulan son oyunda rəqib hələ dəqiqləşməyib.
"Neftçi"nin yeni qapıçıya ehtiyacı yoxdur
"Neftçi" qış fasiləsində qapıçı transfer etməyəcək. Bu baradə komandanın prezidenti Sadıq Sadıqov məlumat verib. Onun sözlərinə görə, klub bu mövqeyə yeni futbolçu almaq fikrindən daşınıb.
Qeyd edək ki, "Neftçi"nin şərəfini qoruyan Litva yığmasının qapıçısı Pailius Qribauskas birinci dövrənin sonunda ağır zədələnərək, cərrahiyyə əməliyyatı olunmuşdu. Bundan sonra qapıda təcrübəli Rauf Mehdiyev dayandı ki, onun da əvəzləyicisi gənc Elçin Sadıqovdur. Pailiusun 3-4 aydan sonra sıraya qayıdacağı deyilsə də, onun bərpasının daha sürətli getdiyi məlum olub. Buna görə də yeni qapıçının transferinə ehtiyac qalmayıb.
|
