UEFA-nın hazırkı prezidenti Mişel Platini 2015-ci ilədək vəzifəsində qalacaq. Bu baradə qitə futbol qurumunun saytında məlumat verilib.

Bildirilir ki, UEFA-nın ötən gün keçirilən iclasında qurumun rəhbərliyinə Platinidən başqa heç kəs namizədliyini irəli sürməyib. Seçim zamanı tək namizəd qaldığından prezidentlik avtomatik olaraq yenidən 4 il müddətinə 55 yaşlı fransıza həvalə edilib. Fransa futbolunun canlı əfsanələrindən olan Platininin prezidentliyi UEFA-nın 2011-ci ilin yanvarında keçiriləcək 35-ci qurultayında təsdiq olunacaq. Xatırladaq ki, Mişel Platini 2007-ci ildən UEFA-ya rəhbərlik edir.