Çərşənbə günü axşam ABŞ dövlət katibi Hillari Klinton İlham Əliyevə zəng edərək Amerika diplomatlarının xidməti yazışmalarında bəzi yersiz ifadələrə yol verilməsindən təəssüfləndiyini bildirib.
Vaşinqtondakı brifinqdə Dövlət Departamentinin mətbuat katibi Filip Krouli bildirib ki, Klinton Əliyevlə "strateji tərəfdaşlığa dair bəzi məsələləri" müzakirə edib. Eyni zamanda o, "WikiLeaks" saytında dərc olunmuş məlumatlarla bağlı təəssüfləndiyini bildirib.
İlham Əliyevin Klintonun təəssüf hissinə münasibəti ilə bağlı söylədiklərinin cavabında "Əliyev bildirib ki, bu cür sızmalar iki ölkə arasındakı uzunmüddətli əməkdaşlığa təsir göstərməyəcək. Azərbaycan ABŞ üçün əsas tərəfdaş olaraq qalır", - deyə Krouli əlavə edib.я
|
