UEFA Çempionlar Liqasında qrup mərhələsinə yekun vurulub. Bununla da növbəti mərhələyə vəsiqə qazanan 16 ən güclü komandanın adları məlum olub. Bunlar İspaniyanın "Barselona", "Real" (Madrid), "Valensiya", İngiltərənin "Mançester Yunayted", "Çelsi", "Arsenal", "Tottenhem", İtaliyanın "Milan", "İnter", "Roma", Fransanın "Lion", "Marsel", Almaniyanın "Bayer", "Şalke", Ukraynanın "Şaxtyor", Danimarkanın "Kopenhagen" komandalarıdır.
UEFA Çempionlar Liqasının 1/8 finalçıları qrup mərhələsində tutduğu yerə əsasən püşk zamanı səbətlərə bölünəcək. Belə ki, qrup qalibləri səpələnmiş, ikincilər isə səpələnməmişlərdə yer alacaq.
Qrup qalibləri bunlardır: "Tottenhem", "Mançester Yunayted", "Çelsi", "Barselona", "Real" (Madrid), "Bavariya", "Şalke" və "Şaxtyor".
Qrup qaliblərinin ikincilərlə görüşəcəyi 1/8 finalda eyni ölkə təmsilçiləri qarşılaşa bilməz. Bu, yalnız 1/4 finaldan başlayaraq mümkündür. 1/8 final mərhələsinin püşkatması isə gələn həftə, dekabrın 17-də keçiriləcək. Yeri gəlmişkən, Madrid "Real"ı UEFA Çempionlar Liqasının rekordunu müəyyənləşdirib. Belə ki, Madrid komandası nüfuzlu turnirin əsas mərhələsində 300 qol vura bilən ilk klub olub.
Qruplarında üçüncü olan Hollandiyanın "Ayaks" və "Tvente", Portuqaliyanın "Benfika" və "Braqa", Rusiyanın "Rubin" və "Spartak", İsveçrənin "Bazel", Şotlandiyanın "Qlazqo Reyncers" komandaları mübarizəni Avropa Liqasında davam etdirəcəklər.
|
