"Azərbaycan Həştərxan razılaşmasından ehtikar üçün istifadə etmək istəyir", - deyə Ermənistanın XİN başçısı Edvard Nalbandyan Hindistan Beynəlxalq Münasibətlər Şurasında çıxışında bildirib. 27 oktyabrda RF prezidenti Dmitri Medvedevin təşəbbüsü ilə prezidentlərin Həştərxanda keçirilən görüşünə toxunan Nalbandyan deyib ki, görüşdən sonrakı birgə bəyanatda hərbi sahədə qarşılıqlı etimadı möhkəmləndirmək üçün əlavə addımlar atılması və barışıq rejiminə əməl edilməsi zərurətindən danışılıb.
"Görüşdən sonra razılaşmaya əməl edilməyə başlanıb, amma Azərbaycan həlak olanların mübadiləsindən də ehtikar üçün istifadə edib. 7 noyabrda bu məqsədlə xüsusi olaraq təşkil edilən tədbirdə prezident Əliyev yenidən münaqişənin həlli üçün güc tətbiqinə hazır olduqlarından danışıb. Əliyev bir neçə dəfə həlak olanları "şəhid" adlandıraraq Azərbaycan əhalisinin dini hisslərinə təsir etməyə çalışıb və qeyd edib ki, onlar gənc nəsil üçün nümunə olmalıdır. O bəyan edib ki, ölkəsinin böyük həcmdə silahı, hərbi sursatı var, ordu inkişaf edir. Hiddət doğuran odur ki, məktəblilər qarşısında çıxış edən Azərbaycan prezidenti "silaha əl atır", Azərbaycanın hərbi potensialından, ərazi iddialarından danışır və bildirir ki, guya Ermənistan və İrəvan Azərbaycan torpağıdır və uşaqlar bunu bilməlidir. Bu, 1939-cu ilin Almaniyası yox, 2010-cu ilin Azərbaycanıdır. 2004-cü ildən 2011-ci ilə kimi - cəmi 7 ildə bu ölkənin hərbi büdcəsi 18 dəfə, 2010-cu ildən 2011-ci ilə kimi isə iki dəfə artıb. Əgər bu il o, ÜDM-in 10%-i qədərdirsə, 2011-ci ildə 20%-i həcmində olajaq",- deyə Nalbandyan qeyd edib.
Nazir iddia edib ki, "Bakı yeni avantüra hazırlayır, neft dollarları yeni hərbi fitnəkarlıqların maliyyələşməsinə yönəldilir".
|
