Vasif Məhərrəmli son vaxtlar repertuarında hitə çevrilən "Sənsizlik" mahnısına ekran həyatı verməyə hazırlaşır. Bu barədə özü danışır: "Sənsizlik" mahnısının klipi artıq çəkilmək ərəfəsindədir. Danışıqlar gedir. Rejissor çox güman ki, Faiq Kərəmoğlu olacaq. Yaxşı rejissordur. Rejissor da mahnının mətninə, janrına uyğun seçilməlidir". Müğənni klip üçün bir neçə ideyası olduğunu, lakin son nəticədə yenə rejissorun fikrinə qane olacağını deyib: "Heç vaxt rejissorun işinə qarışmıram, rejissora demirəm ki, klipimdə kəmərimin qaşı, təzə ayaqqabım görünməlidir. Mənə bir neçə süjet xətti verilib, rejissorla ortaq məxrəcə gələcəyik". Müğənni sözügedən mahnıya tələbat olduğunu, "Sənsizliy"i çox sevdiyini də sözlərinə əlavə edir.
|
