"Eurovision-2010" təmsilçimiz Safura Əlizadə bu günlərdə Bakıda olmalı idi. Sənətçi hazırda yeni mahnılarının studiya həlli səbəbindən gəlişini dekabra saxlayıb. Ailəsindən "Ayna" qəzetinə bildirilib ki, o, Bakıda dekabrın 5-də olacaq.
"Bu səfərin özəl səbəbi var. Həmin tarixdə Safuranın bacısı qızı Ayanın toy mərasimidir. İşləri nə qədər aşıb-daşsa da, Safura həmin gün Bakıda olacağına söz verib. Bizimlə söhbətində Bakı üçün, ailəsi üçün çox darıxdığını deyib. Amma işləri çox hallarda səfəri ləngidir".
Öyrəndik ki, onun səfəri uzun çəkməyəcək. Yeni albomunun yazılışı səbəbindən iki gündən sonra yenidən İsveçə qayıdacaq. Safuranın bundan əvvəlki albomuna daxil olan mahnıları isə ifaçıya birincilik qazandırıb. Qeyd edək ki, onun mahnılarını ifa etdiyi məşhur musiqi müəllifləri - Filipp-Mark Anketil və Stefan Ornomun Safura üçün yazdığı hitlər Britaniyanın məşhur "Billboard" çatındakı albomlar sırasında ona birincilik qazandırıb.
|
