Xəyyam Nisanov bu il "Eurovision-2011" mahnı müsabiqəsinin milli seçim turlarında iştirak edəcək. Xəbəri onun musiqi prodüseri Murad Arif təsdiqləyib:
"Xəyyam Moskvada təhsil alır, hazırda orada rəqs mütəxəssisləri ilə birlikdə rəqs quruluşları hazırlayır. Bu il onun müsabiqəyə qatılmaq üçün ən uğurlu vaxtıdır. Yeni mahnılar yazdırır, klassik ingilis əsərlərinə müraciət edir". Müğənni seçim turuna bəstəkar Vaqif Gərayzadənin və Murad Arifin musiqiləri ilə qatılacaq. Xəyyam isə öz növbəsində bildirib ki, qalib gəlmək üçün müsbət göstəriciləri çoxdur: "Mənim dəqiqliyim hamıya bəllidir, elə buna görə də şou-biznes mənə həsəd aparır. "Kapriz"lərim yoxdur, bütün qüvvəmi də işimə sərf edirəm. Yəqin bunun da rolu olacaq".
|
