Ukraynalı müğənni, "Eurovision-2008"in iştirakçısı Ani Lorakın Bakıya gələcəyi gözlənir. "Ayna" qəzetinə daxil olan məlumata görə, müğənni noyabrın 12-də Heydər Əliyev Sarayında konsert proqramı ilə çıxış edəcək.
Sənətçi ilə danışıqlarda o, təklifi ilk dəfədən qəbul etdiyini bildirib. Qeyd edək ki, konsert salonunda qoyulan qaydalara uyğun olaraq Ani Lorak repertuarını bütünlüklə canlı ifa edəcək. Hazırda proqramın məşqlərini edir. Sənətçi konsert repertuarına hit mahnılarını daxil etdiyini bildirib.
Məlumatda qeyd olunur ki, konsert zamanı ukraynalı sənətçini onun özünün rəhbərlik etdiyi şou-balet qrupu müşayiət edəcək.
Xatırladaq ki, 2008-ci ildə keçirilən "Eurovision" müsabiqəsində Ani Lorak "Shady lady" mahnısı ilə ikinci yeri tutmuşdu.
|
