Vaxtanq Kikabidze Bakıya gəlir
 |
İkinci konsertini verəcək
Şənbə, 30.10.2010
|
|
Azərbaycanda çox sevilən tanınmış gürcü aktyor və müğənni Vaxtanq Kikabidze Bakıda konsert proqramı ilə çıxış edəcək. Heydər Əliyev Sarayı mətbuat xidmətinin rəhbəri Anar Fərəcovun bildirdiyinə görə, Vaxtanq Kikabidzenin konserti sarayın təşkilatçılığı ilə 21 noyabrda keçiriləcək. Ölkəmizdə çoxsaylı pərəstişkarları olan Vaxtanq Kikabidze sarayın səhnəsində tam yeni proqramla çıxış edəcək. Bundan əlavə sənətçi konsertdə rus dilində olan sevilən mahnıları da ifa edəcək. Qeyd edək ki, sözügedən konsert sənətçinin bu il ərzində Azərbaycanda ikinci konserti olacaq. Heydər Əliyev Sarayı 2010-cu ilin mart ayının 8-də eyni məkanda konsert verən Vaxtanq Kikabidzenin konsertinin anşlaqla keçməsini və konsertə düşə bilməyən tamaşaçıların xahişini nəzərə alaraq bu konserti təşkil etmək qərarına gəlib. Xatırladaq ki, Vaxtanq Kikabidze 1938-ci il iyulun 19-da Tbilisdə doğulub. 1961-ci ildə Tbilisi Xarici Dillər İnstitutuna daxil olub və paralel olaraq aktyorluq və müğənnilik karyerasını davam etdirib. Onun kinodakı ilk debütü 1966-cı ildə "Dağlarda görüş" filmindən başlayıb. Aktyor bir sıra kinolarda çəkilsə də, ona əsl şöhrəti 1977-ci ildə Georgi Daneliyanın "Mimino" filmindəki baş rol gətirib.
|
|
|
Oxşar xəbərlər:
Qara dəniz dövlətləri FHN-lərinin Bakı toplantısı
Qış Parkında işlər ləngiyir
Bakı-Tümen dəmiryolu xəttində parlayış
Prezident Bakının inkişaf planı ilə tanış olub
Bakıdan Ankaraya nota...
|
|
|
