Meyxanaçı Namiq Qaraçuxurlunun bu ərəfələrdə Dərbənddə konsert proqramı təqdim edəcəyi barədə əvvəlcədən məlumat vermişdik. Lakin musiqiçi "Ayna" qəzetinə konsertin təxirə düşdüyü xəbərini verib.
"Konsert layihəsi bir neçə ay əvvəl dəqiqləşmişdi. Tarix müəyyənləşdikdən bir müddət sonra təşkilatçılar konserti təxirə salmaq məcburiyyətində qaldılar və bu barədə mənə informasiya verdilər. Bildirdilər ki, Dərbənd şəhərinin çox hörmətli çinovniklərindən biri dünyasını dəyişib. Ona görə də yaxın tarixlərdə nəzərdə tutulan geniş musiqili tədbirlər təxirə düşüb".
Xatırladaq ki, Namiq Qaraçuxurlunun konserti Dərbəndin "Məhsul günü" bayramına həsr edilmişdi. Musiqili proqramın növbəti tarixi tezliklə bəlli olacaq.
|
