Mustafa Yıldızdoğan əsgərlərimizin qarşısına çıxacaq
 |
Bu tanınmış sənətçi vətənpərvərlik mahnılarının parlaq ifaçısıdır
Şənbə, 23.10.2010
|
|
mətn ölçüsü |
|
|
|
Türkiyədə yaxşı tanınan və çox sevilən, vətənpərvərlik mahnılarının ifaçısı kimi şöhrət qazanmış Mustafa Yıldızdoğan Azərbaycan əsgərləri qarşısında konsert proqramı ilə çıxış edəcəkdir (APA). Mustafa Yıldızdoğan Bakıya oktyabrın 29-da gələcək. Əməkdar artist Azərinlə birlikdə Daxili Qoşunların və Müdafiə Nazirliyinin cəbhə xəttindəki hərbi hissələrinin birində əsgərlərimizin qarşısına böyük konsert proqramı ilə çıxacaqlar. Bunun üçün Türkiyə səfirliyinin Hərbi Attaşeliyi konsertə icazə xahişi ilə müvafiq hərbi qurumlara müraciət edib və razılıq əldə olunub.
Azərin də bundan öncə Türkiyədə antiterror əməliyyatlarının getdiyi bölgələrdə hərbçilər qarşısında konsert proqramı ilə çıxış etmişdi.
Mustafa Yıldızdoğan 1966-cı ildə Konya şəhərində sadə bir ailədə doğulub. Ailədə yeddi övladdan biridir. Sənətə sazla (bağlama) ilə gəlib. 1990-cı ildə ilk albomu "Doğuyoruz ufuklardan" çıxıb və ona şöhrət gətirib. Son albomu isə "Sənin için"dir və keçən il işıq üzü görüb. 19 ildə cəmi 16 albom. "Türkiyəm", "Bu vatan kimin", "İnsanlar" adlı albomları daha məşhurdur və Azərbaycanda da çox sevilir.
Mustafa indiyədək Türkiyənin özündə Qarsdan Ədirnəyədək, Avropa, Amerika ölkələrində minlərcə konsert verib. Özü barəsində deyir: "Sənətçinin ömrü sevənlərin sevgisi qədərdir".
|
|
|
|
|
|
|
