Moskvada Müslüm Maqomayev adına Ulduzun təməli qoyulacaq
 |
Bu törən "Veqas" kompleksində olacaq
Şənbə, 23.10.2010
|
|
mətn ölçüsü |
|
|
|
Müslüm Maqomayevin xatirə günü - oktyabrın 25-də Moskvadakı "Veqas" ticarət mərkəzində Müslüm Maqomayev adına Ulduzun təməli qoyulacaq. Bu barədə rus mətbuatına Müslüm Maqomayevin dul xanımı, tanınmış opera müğənnisi, SSRİ-nin və Azərbaycanın xalq artisti Tamara Sinyavskaya danışmışdır. Onun sözlərinə görə, Müslüm Maqomayev adına Ulduzun açılış mərasimi Maqomayevlər ailəsinin yaxın dostu Araz Ağalarovun oğlu Emin Ağalarovla birlikdə tikdirdiyi "Veqas" kompleksində keçiriləcək:
"Bu kompleksin və Şöhrət xiyabanının açılışı artıq olub. Burada öz imzasını qoyan ilk ulduz isə tanınmış ABŞ aktyoru Robert de Nirodur. Oktyabrın 25-də Müslüm Maqomayevin xatirə günüdür və bununla əlaqədar onun ulduzunun təməli qoyulacaq. Ulduzun üzərində isə dahi müğənninin faksimele imzası qoyulacaq". Yeri gəlmişkən, oktyabrın 23-24-də Moskvada Müslüm Maqomayev adına Vokalçıların I Beynəlxalq Müsabiqəsi keçiriləcək. Müsabiqəni Müslüm Maqomayevin Mədəni-Musiqi İrsi Fondu təşkil edib. Fond tanınmış Rusiya sahibkarı, "Krokus Internesnl" şirkətlər qrupunun başçısı Araz Ağalarov tərəfindən təsis edilib. Qeyd edək ki, Tamara Sinyavskaya bu tədbirlərdən sonra Bakıya gələcək və Müslüm Maqomayevin Fəxri xiyabandakı məzarını ziyarət edəcək.
|
|
|
Oxşar xəbərlər:
"Başlanğıca dönüş: İran, Türkiyə və Amerikanın gələcəyi"
KVN Teatrı yerli ulduzlarla dünya ulduzlarını bir səhnədə görüşdürdü
Sulduz mollasının pantürkçülüyü
"Yeni ulduz"un iştirakçısı hüquqlarını qoruya bilmədi
Tünzalə "Mardan Palace"da səhnəni ulduzlarla bölüşüb
|
|
|
