Bu barədə Gəncə şəhər Gigiyena və Epidemiologiya Mərkəzinin şöbə müdiri Almaz Tomuyeva məlumat verərək bildirib ki, ilin əvvəlində səhiyyə işçiləri və könüllülər arasında aparılan peyvəndləmə növbəti dəfə orta məktəblərdə keçiriləcək. Bura əsasən yuxarı sinif şagirdləri cəlb olunacaq. Bunun üçün şəhərə təkrar vaksinlər gətiriləcək.
Almaz Tomuyeva qeyd edir ki, N1N1 virusu haqda əhalini maarifləndirmək üçün onların mərkəzinə külli miqdarda plakatlar gətirilib. Nəzərə çatdırdı ki, həmin plakatlar şəhərin orta məktəblərinə və bütün tibb müəssisələrinə asılacaq.
Aldığımız başqa bir xəbərə görə, Gəncədə "Ekspress" testləri 3 hamilədə hepatit B aşkar etmişdir. Bu barədə Rostropoviç-Vişnevskaya Fondundan məlumat verilərkən bildirilib ki, onların Gəncənin qadın məsləhətxanaları, "Perinatal Mərkəz" və Gigiyena və Epidemiologiya Mərkəzinə təqdim etdiyi "Ekspress" testləri ilə artıq hamilələr hepatit B və QİSÇ-ə müayinə olunur.
Sentyabrın 16-dan bəri aparılan bu müayinələr zamanı qısa müddət ərzində 193 hamilə qadın hepatit B-yə müayinə olunub. Onların 3-də hepatit B aşkarlanıb. Həmçinin NIV-ə də müayinə olunan hamilə qadınların sayı 113 nəfər təşkil edib. Onların heç birində NIV aşkar olunmayıb.
Qeyd edək ki, Səhiyyə Nazirliyi ilə Rostropoviç-Vişnevskaya Fondunun "Hamilə qadınlar arasında hepatit B və NIV-in diaqnostikası və yeni doğulmuş uşaqların hepatit B virusuna qarşı profilaktikası" proqramına əsasən Respublika Mamalıq və Ginekologiya İnstitutunun mütəxəssisləri bu yaxınlarda Gəncədə olmuşdular. Qeyd olunub ki, keçirilən təlim məşğələyə Gəncədə fəaliyyət göstərən "Perinatal Mərkəz", qadın məsləhətxanaları və Gigiyena və Epidemiologiya Mərkəzinin ümumilikdə 50-ə yaxın mütəxəssisi cəlb olunub.
|
