"Eurovision-2010" təmsilçimiz Səfurə Əlizadənin xarici səfərləri davam edir. Ötən gün Belarusda böyük kütlə qarşısında çıxış edən gənc müğənninin növbəti səfəri Tacikistana olacaq. Müğənninin ailəsindən "Ayna" qəzetinə verilən məlumata görə, onun çıxışı sentyabın 17-18-nə təsadüf edəcək. S.Əlizadə sonuncu albomundakı mahnılarla yarım saat proqram təqdim edəcək.
Yeri gəlmişkən, azərbaycanlı müğənni bu günlərdə Polşada "International Summer Nit Festival"da iştirak edib. 5 milyona yaxın tamaşaçının izlədyi festivalda Səfurə "Drip-Drop"la yanaşı, sevilən digər mahnılarını səsləndirib. Məlumatda qeyd olunur ki, səfəri zamanı azərbaycanlı sənətçinin "Universal music" şirkətinin nümayəndələri ilə danışıqları da olub. Müğənni gələcək əməkdaşlığının təfərrüatı haqqında tezliklə məlumat verəcək.
|
