Zaqatalada narkotik tərkibli külli miqdarda bitki məhv edilmişdir (APA). Rayon polisinə istinadən, "Xaşxaş - 2010" kod adı altında aparılan bu əməliyyatın gedişində Əliabad kəndi ərazisindəki Car gölü adlanan və əkinə yararsız olan 1 hektar ərazidə yabanı halda bitmiş, ümumi çəkisi 2 ton 620 kq olan 4350 ədəd narkotik tərkibli bitki - çətənə kolu yığılaraq yandırılma yolu ilə məhv edilmişdir. Zaqatala rayonu ərazisində narkotik tərkibli bitkilərin bitdiyi ərazilərin aşkarlanaraq, onların toplanıb məhv edilməsi istiqamətində tədbirlərin davam etdirildiyi bildirilir.
Əfqanıstanda 18 ton narkotik vasitə müsadirə edilibƏfqanıstandakı koalisiya qüvvələrinin iyul ayında keçirdikləri əməliyyatlar zamanı toplam 18 ton narkotik vasitənin aşkarlanaraq müsadirə edildiyi açıqlanmışdır.
Təcridxanada daha bir nəfər özünü asıbBakı İstintaq Təcridxanasında intihar hadisəsi baş verib. Sabunçu rayon Prokurorluğundan verilən məlumata görə, 1 saylı istintaq təcridxanasında saxlanılan Masallı rayon Təzəkənd sakini, 25 yaşlı Akif Fətullayev özünü öldürüb.
