Fərhad Əliyevin bibisi oğlu Ukraynada həbs edilib
 |
Bu adam sabiq iqtisadi inkişaf naziri Fərhad Əliyevin cinayət işi ilə bağlı axtarışda imiş
Şənbə, 28.08.2010
|
|
mətn ölçüsü |
|
|
|
Axtarışda olan azərbaycanlı Ukraynanın Odessa şəhərində saxlanıb. APA-nın DİN internet saytına istinadən xəbərinə görə, Rafəddin Əsgərov nazirliyin Baş Cinayət-Axtarış İdarəsi əməkdaşlarının həyata keçirdikləri əməliyyat tədbirləri nəticəsində tutulub. Onun Azərbaycan Respublikası Cinayət Məcəlləsinin 179 (mənimsəmə və ya israf etmə), 206 (qaçaqmalçılıq) və 313-cü (vəzifə saxtakarlığı) maddələri ilə axtarışda olduğu bildirilib. Onun Azərbaycana ekstradisiyası üçün tədbirlər görülür.
APA-nın əldə etdiyi məlumata görə, Rafəddin Əsgərov Azərbaycanın sabiq iqtisadi inkişaf naziri, hazırda həbsdə olan Fərhad Əliyevin cinayət işi ilə bağlı həbs edilib. Fərhad Əliyevin hüquqlarını müdafiə komitəsinin məlumatına görə, Rafəddin Əsgərovun adı sabiq nazirə qarşı irəli sürülən ittihamda hallanır.
İttiham aktında göstərilir ki, "Prestic LTD" MMC-nin ekspeditoru Abdulla Cavadov Fərhad Əliyevin qardaşı, "Azretrol" Şirkətlər Qrupunun sabiq prezidenti, hazırda həbsdə olan Rafiq Əliyevin tapşırığı ilə xarici ölkələrə gedib və onun verdiyi pullara qızıl-zinət əşyaları alıb, təyyarə ilə Bakı şəhərinə göndərdikdən sonra bu barədə Rafəddin Əsgərova məlumat verib. Rafəddin Əsgərov öz növbəsində həmin qızıl-zinət əşyalarını Hava Nəqliyyatında Baş Gömrük İdarəsindəki tanışları vasitəsilə gömrük nəzarətindən gizli keçirib "Prestic LTD" MMC-nin mühasibatlığına təhvil verib.
Fərhad Əliyevin vəkili olmuş İsaxan Aşurov APA-ya açıqlamasında həbs olunmuş Rafəddin Əsgərovun məlum cinayət işində adı keçən şəxs olduğunu təsdiqləyib. Həbs olunmuş şəxs sabiq nazir Fərhad Əliyevin bibisi oğludur.
|
|
|
|
|
|
|
