Gənc Tamaşaçılar Teatrı yeni mövsümə hazırlaşır
 |
Şənbə, 28.08.2010
|
|
mətn ölçüsü |
|
|
|
Gənc Tamaşaçılar Teatrının yeni teatr mövsümünə maraqlı layihələrlə hazırlaşdığı xəbər verilir. Teatrın mətbuat xidmətinin rəhbəri Yasmin Məlikovanın "Ayna" qəzetinə açıqlamasına görə, bu mövsümdə teatr əsasən dünya klassiklərinin əsərlərini səhnələşdirəcək. Belə ki, Şekspirin "Romeo və Cülyetta" əsəri 30 ildən sonra yenidən Azərbaycan teatr səhnəsində tamaşaya qoyulacaq. Xəbərdə qeyd olunur ki, tamaşanın quruluşçu rejissoru Cənnət Səlimovadır. Beynəlxalq layihə hesab olunan bu səhnə əsərinin ərsəyə gəlməsi üçün xarici ölkələrdən də mütəxəssis dəvət olunub. Mətbuat əlaqələndiricisi bildirdi ki, bundan başqa, teatrda daha iki tamaşanın hazırlıqlarına başlanacaq. Bunlar Vaqif Əsədovun quruluş verdiyi "Oliver Tvistin macəraları" (Çarlz Dikkens) və "Mən səni sevirəm" (Əli Əmirli) tamaşalarıdır. Yaradıcı kollektiv "Kontrabas" tamaşası ilə sentyabrın 11-dən 19-na kimi Belarusda keçiriləcək teatr festivalında ölkəmizi təmsil edəcəkdir.
|
|
|
|
|
|
|
