Mübariz İbrahimov üçün RF səfirliyinə müraciət
 |
Səbəb - Ermənistan əsgərin meyitini vermir
Şənbə, 21.08.2010
|
|
mətn ölçüsü |
|
|
|
Azərbaycanın bir sıra qadın təşkilatlarının təmsil olunduğu İşçi Qrupu şəhid Milli Qəhrəman Mübariz İbrahimovun meyitinin geri qaytarılmasında yardımçı olmaq üçün Rusiyanın Azərbaycandakı səfirliyi və Beynəlxalq Qırmızı Xaç Komitəsinin (BQXK) Bakı ofisinə rəsmi müraciət ünvanlayıb. Bu barədə APA-ya açıqlamasında "Lider Qadınlar" İctimai Birliyinin sədri, millət vəkili Məlahət İbrahimqızı məlumat verib.
M.İbrahimqızının sözlərinə görə, müraciət yazılı şəkildə avqustun 19-da Rusiya səfirliyinə və BQXK-ya təqdim olunub:
"Biz hazırda hər iki qurumun cavabını gözləyirik. Cavab veriləndən sonra aksiya keçirib keçirməmək barədə qərar qəbul edəcəyik".
Qeyd edək ki, iki gün əvvəl "Lider Qadınlar" İB-in təşkilatçılığı ilə bir qrup qadın təşkilatı Rusiya səfirliyi və BQXK-nın Bakı ofisi qarşısında aksiya keçirmək niyyətində olduqlarını açıqlayıb.Ъ
Hesab edilir ki, Ermənistan rəhbərliyi Moskvanın sözünə qulaq asdığından RF bu humanitar məsələdə təsirli rol oynaya bilər.
|
|
|
|
|
|
|
