Müğənni Elnur bu günlərdə Avropa ölkələrinə üz tutmuşdur. Gərgin iş qrafikinin yorğunluğunu uzaq şəhərlərdə çıxarmaq üçün Bakını tərk etdiyi söylənir. Səfərüstə "Ayna" qəzetinə bu barədə danışan sənətçi bildirdi ki, əvvəlcə İsveçə gedir. Daha sonra oradan İtaliyaya yollanacaq. Söylədi ki, ötən aya kimi istirahət proqramını ölkənin regionlarında düşünmüşdü. Amma ilboyu gərgin çalışdığını görən sənətçi macəra axtarışına çıxmaq qərarına gəlib.

"Fikirləşdim ki, bölgələrə getmək bir o qədər vaxt aparmır. Amma uzaq ölkələri gəzmək çox maraqlı olacaq. Bu həm də bir yenilikdir. Səfər proqramıma İsveç, İtaliya ilə yanaşı, Fransa da daxildir. Ümid edirəm ki, uzunmüddətli gəzintidən sonra məndə yeni yaradıcılıq ideyaları yaranacaq" deyən müğənni Bakıya avqustun son günləri qayıdacağını bildirdi.