"Altmış doqquzundan qorxmayan, yetmişin nəyindən qorxsun. Bu ad günümdə qızımdan qız övladı görməyi arzu edirəm. Oğlan da olar, amma qız övladını daha çox arzulayıram". Bu sözləri bu günlərdə 69 yaşını qeyd edən Azərbaycanın xalq artisti Flora Kərimova deyib. Xalq artisti bu yeni yaşın ona müdriklik gətirməsini istəyib.
"İstərdim ki, yaşım mənə müdriklik gətirsin. Yaşım hər zaman gözlədiyim bir şeylərə bəzək gətirsin. Cavanlarımızın toyunda oynamaq istəyirəm. Ötənilki doğum günümdən bu vaxta qədər geridə qalan bir il günüm məhkəmələrdə keçib. İnşallah, bəzi məsələlər çözüləcək. Səhhətimdə heç nə dəyişmədi, bir problemlə üzləşmədim. Bütün varlığımla bu havanı udmaq istəyirəm, bütün varlığımla bu günümə sevinmək istəyirəm, bütün varlığımla yaşamaq istəyirəm. Artıq özümə pay kimi yox, əzizlərimin xoş paylarını görmək istəyirəm, onlarla birgə sevinmək istəyirəm", - deyə xalq artisti bildirdi.
|
