İyulun 23-də Bakı Əyləncə Mərkəzində Milli Mətbuat Günü münasibətlidə Azərbaycan Jurnalistlər Birliyi və "Yeni Nəsil" Jurnalistlər Birliyinin təsisçisi olduğu "Media açarı" mükafatı laureatlarına təqdim edilib. Bu dəfə mükafatın təqdimatı "Azərfon" şirkətinin dəstəyi ilə həyata keçirilib.
Tədbir təşkilatçıları bir neçə nominasiya üzrə qaliblərin adlarını açıqlayıblar.
"Yeni Nəsil" Jurnalistlər Birliyinin rəhbəri Arif Əliyevin sözlərinə görə, bu il jurnalist işləri üzrə müsabiqə keçirilməyib. İctimaiyyət, dövlət qurumlarının nümayəndələri, media əməkdaşları sırasından, demək olar ki, 100 ekspertə anketlər paylanılıb. Onlar mətbuat sahəsində ən məşhur adları açıqlamalı idilər. Lakin onlar da vahid fikrə gəlmədilər və buna görə qalibləri münsiflər müəyyən edib.
İnformasiya-kommunikasiya texnologiyaları mövzusunda qalib "Trend" agentliyinin əməkdaşı Hüseyn Vəliyev, "Xalq qəzeti"nin əməkdaşı Qabil Əliyev və ANS telekanalının operatoru Rüfət Şabanov olub.
Sosial reportaj mövzusunda qalib "Azadlıq" qəzetinin əməkdaşı Ramin Deko olub.
Həmçinin regional RTV (Xaçmaz) - "Xəbər vaxtı" proqramı və "Xəzər" telekanalının "Xəzər-xəbər" proqramı operativ xəbərlərə görə qalib olub. "Zerkalo" qəzetinin icmalçısı Rauf Mirqədirov isə siyasi analitik məqalələrinə görə mükafata layiq görülüb. Əlavə edək ki, "Ayna" və "Zerkalo" qəzetlərinin digər icmalçısı - İsmayıl Umudlu ölkə prezidenti tərəfindən "Tərəqqi" medalı ilə təltif edilənlər sırasında olmuşdur.
"Media adamı" nominasiyasında politoloq Rasim Musabəyov və məşhur dramaturq Rüstəm İbrahimbəyov mükafata layiq görülüb. Sonuncu bildirib ki, bütün mükafatları arasında bu, peşə fəaliyyəti ilə əlaqədar olmayan, birbaşa vətəndaş mövqeyi ilə bağlı olan yeganə mükafatdır.
|
