Azərbaycanın ən titullu qadın güləşçisi, dünya çempionu (2009), 2 qat Avropa çempionu (2008-09) Mariya Stadnik iyulun 22-də ana olub.

Azərbaycan Güləş Federasiyasından aldığımız xəbərə görə, 2,8 kq çəkidə oğlan uşağı dünyaya gətirən Mariya özünü xoşbəxt hiss edir:

"Həm özümün, həm də uşağın vəziyyəti yaxşıdır. Oğlumuzun adını İqor qoyacağıq. Andrey də, mən də İqorun gələcəkdə məşhur güləşçi olmasını istəyirik. Təxminən ay yarımdan sonra Bakıya gələcəyik. Ümid edirəm ki, ilin sonuna qədər məşqlərə başlaya biləcəyəm".