Azərbaycan xalçasının YUNESKO-nun irs siyahısına daxil edilməsi ilə bağlı proses öz axarı ilə gedir. Mədəniyyət və turizm naziri Əbülfəs Qarayev mətbuata açıqlamasında bu məsələ ilə bağlı ətraflı məlumatın noyabrda veriləcəyini deyir. Nazirin sözlərinə görə, Mədəniyyət və Turizm Nazirliyinin ekspertləri hazırda bunun üzərində işləyirlər: "YUNESKO komitələrində də müzakirələr keçirilib, hazırlıq işləri davam edir. Əvvəldən nəsə deməyi xoşlamıram. Ancaq onu deyə bilərəm ki, noyabrda bu məsələ ilə bağlı dəqiq məlumat veriləcək".
Ə.Qarayev açıqlamasında gələn ilin aprelində Bakıda keçiriləcək Beynəlxalq Mədəniyyətlərarası Dialoq Forumuna da toxunaraq bildirib ki, bununla bağlı təşkilati məsələlər bu ilin payızında bitməlidir.
Film Fonduna yeni materiallar daxil edilibAzərbaycanın ilk qadın kinomexaniki Nailə Bədəlovanın sənədləri, orden-medalları və başqa arxiv materialları Dövlət Film Fonduna təqdim edilib.
"Koroğlu" operası 3 şəhərin səhnəsindəÜzeyir Hacıbəylinin "Koroğlu" operası MDB-nin Humanitar Əməkdaşlıq üzrə Dövlətlərarası Fondunun dəstəklədiyi layihə çərçivəsində İstanbul, Roma və Neapolda səhnəyə qoyulacaq.
Ramiz Quliyev NiaqaradaAzərbaycanın xalq artisti, tarzən Ramiz Quliyev Kanadanın Niaqara şəhərində beynəlxalq musiqi festivalında iştirak edəcək.
"Qafqaz qartalının uçuşu" hazırdırAzərbaycanın "Salnamə" və Sankt-Peterburqun "Lennauçfilm" kinostudiyalarının birgə istehsalı olan "Qafqaz qartalının uçuşu" sənədli filmi tam hazırdır.
