Mübariz İbrahimovun cəsədi çoxdan dəfn olunub. Bu barədə Qarabağ separatçılarının silahlı qüvvələrinin nümayəndəsi, podpolkovnik Senor Asratyan bildirib. Şəhid olmuş əsgər İbrahimovun cəsədini erməni tərəfinin verməməsilə bağlı Azərbaycan tərəfinin ittihamını şərh edən Asratyan bildirib ermənilər heç zaman cəsədin onlarda olduğunu deməyiblər.
İyunun 18-də baş vermiş insident zamanı hər iki tərəfdən qurbanların olduğu bildirilmişdir. İbrahimovun həlak olması və şəhid əsgərin cəsədinin neytral zonada qalması barədə ilk məlumatı Azərbaycan tərəfi verib. Lakin iyunun 20-də bəzi Azərbaycan KİV-i bildirib ki, Mübariz İbrahimovun cəsədi torpağa tapşırılıb. "Bu kontekstdə biz dəfn olunmuş əsgərin cəsədini verə bilmərik", - Asratyan xəbis bir məntiqlə belə deyir.
İyunun 18-də Ermənistan-Azərbaycan cəbhəsində Çaylı kəndi yaxınlığında hərbi bölmələr arasında ciddi qarşıdurma baş verib. Nəticədə dörd ermənistanlı və bir azərbaycanlı hərbçi həlak olub, dörd ermənistanlı hərbçi isə yaralanıb. Hər iki tərəf atəşkəsin pozulmasında bir-birini ittiham edib. Bundan sonra Azərbaycan tərəfi neytral zonada qalmış əsgərinin cəsədini tələb etmişdi. İşğalçı tərəf isə əsgər cəsədi ilə bağlı xəbis oyuna başlayıb.я
|
